原先早幾日真係好想同熙熙去睇醫生架, 但係想同佢睇果日佢就好返好多..而且其實佢又吾係特別話有D咩事,, 都係有少少鼻水咁者!! 莫講話BB仔啦, 1個大人係天氣凍既情況下都會有DD鼻水啦..所以我最後都係無帶佢睇囉!! 點知佢自己又真係不藥而癒喎, 有人話咁樣係好架..等佢身體自己有多D抗體吾洗成日要靠藥物先得!! 前兩日真係好凍牙, 凍到我根本都吾敢幫阿仔沖涼, 驚佢會凍襯, 而且我地又無咩點出街, 佢又無柯臭臭喎!! 咁我真係懶得就懶無沖兩日涼.. 今日見晏就好似暖返少少加上尋日阿仔又去過PARTY又柯左臭臭, 所以就幫阿仔沖返個靚涼啦!! 佢依家開始無以前咁驚啦, 肯自己鬆開晒兩隻手玩, 最後仲玩到吾願上水, 我1抱佢就扭身扭勢要落返水 xd 小朋友真係好可愛牙!! 幫佢沖完涼換完衫俾左幾粒星星餅獎勵下佢今日換衫無扭計幾咁叻.. 跟住我就去煲粥仔啦!! 見佢岩岩好返dd..煲左d西洋菜粥等佢食得開胃d..煲煲下佢扭訓..放左佢去床仔自己訓真乖!! 煲粥真係好香好香..吾知今晚阿仔肯吾肯食呢? 肯既媽咪之後多d用西洋菜煲粥你食..
前排上網睇到篇報道話原來食波菜係會影響鈣既吸收, 我成日都用波菜煲粥阿仔食架!! 會吾會係咁影響到佢出得1隻牙呢? 我以後都會盡量少用波菜架啦.. 等你吸多d鈣出返多幾隻牙仔就可以食到多d野啦 :)
嘩!!2日唔沖涼@@ ..熙熙叻仔,不藥而癒^^ .. 嗰次hon B傷風, 我都帶左佢睇2次醫生, 食左4支藥水呀 ><
回覆刪除係牙!!因為好凍牙..熙B之前又病病地..
回覆刪除咁廢事佢再凍襯啦!!我無買放暖氣果D機牙..
不過BB仔吾怕啦,吾會真係污濁得去邊既..
而且平時都有幫佢抹下手仔咁..
我有d朋友話咁細個食西藥對腦部發展吾好麻,
所以我見熙熙得少少鼻水先吾睇住咋..
如果佢嚴重d我實帶佢睇啦 :)
依家d天氣時冷時熱咁,真係要小心身體牙!
係啊,菠菜唔可以成日食, 我都係近期先俾泰宝食咋.
回覆刪除oh...我又係以為波菜好, 成日比晴晴食tim!
回覆刪除西洋菜好多昆蟲， 要洗得好小心先得。。。。
回覆刪除