第299天-9個月26日*愛書之人!

尋晚我係度睇睇嬰兒食譜果本書, 阿仔爬落黎搶左我, 佢好似好鍾意睇書咁-3- 後尾佢個衰豬吾肯還返本書俾我, 之後仲俾本書刮襯塊面添, 真陰公!! 今日為左吾想再令佢俾書刮襯我地去左吉吉島

買圓角果d書佢睇, 老公揀左本書超難囉-3- 開頭我揀果本ABC咪幾好.. 佢又話佢果本特價, 但係其實特價都係貴過我果本架 xdd 後尾見到有d bb識字卡, 我又買埋, 下年等阿仔開始上Playgroup我就自己係屋企同佢學下野先 :) 原先想同老公行下街, 但係點知今日吉吉島超多人, 我地求其買左幾塊牛扒就走人啦, 今晚食燭光晚餐..嘻嘻! 帶住阿仔又吾出得太多人既地方, 所以我地決定自己玩煮飯仔.. 買完晒野見仲幾早老公又話有d肚餓就過左太安樓食下d小食, 最後未返到屋企我地已經好飽了-3- 所以牛扒都應該會留返黎做宵夜架啦 xdd 岩岩用埋最後果兩張coupon, 依家阿仔有好多尿片同奶粉係屋企, 呢次真係有好多儲貨啦!! 我去萬寧果陣仲要買到$12.9既濕紙巾添牙 xdd 正牙!! 我見佢仲有好多儲貨仲想買多d牙.. 但係我得自己1個人拎吾晒咁多野, 都係聽日叫老公去再掃貨先!!

呢堆就係阿仔將來既教學材料啦, 阿仔!!辛苦晒..

呢個就係今日阿仔既出街LOOK!! 本身仲著住對adidas鞋架 xd 型牙!!

第298天-9個月25日*元綠壽司

今日老公放工返黎突然間好興奮話要1家3口去食元綠壽司, 咁我地餵左Otto食埋粥就去啦!! 本身我地真係諗住豪食架, 當補返聖誕大餐+預祝除夕麻!! 點知我地見個2人餐好似好岩我地食咁就叫左啦, 仲要食下食下先發現好似好多野咁, 當然我地梗係有叫其他既壽司啦, 但係真係好飽好飽, 未試過食得咁鬼死飽架!! 埋單都係309蚊咋.. 個2人餐好抵食好似食極都食吾完咁-3- 平時我地係吾會叫餐架, 因為其實老公係吾食生野架, 而我又吾鍾意食3文魚架喎, 通常d餐都有3文魚壽司架麻.. 咁岩呢個無事先叫, 點知咁就"賴"野啦 xd Otto都有幫手食d壽司飯架.. 佢食得勁開心.. 老公係未有野食黎果陣係咁整鬼Otto, 你睇佢個樣幾衰 xdd 我地食完野仲帶左Otto去冒險樂園玩, 佢玩得勁開心牙!! 下次再帶佢去過先, 我諗大d去會好d, 因為佢依家未夠腳長-3- 坐得又禁吾到d掣.. 玩飽食醉之後我地仲去埋萬寧買尿片添, 因為張coupon聽日last day, 老公計過度過之後叫我用盡晒佢喎!! 用左coupon之後差吾多90蚊1包46片裝既大碼片 :) 有得平都好啦, 我要發揮我既師奶本色牙!! 聽日係除夕了, 暫時應該都吾會有地方去, 係晏就會過1過太古去港島區媽咪會聚會者..話咁快就2010年了, 希望來年1切順利!!

爸爸真衰!! 係咁整鬼Otto, 你睇Otto個樣幾無奈..

Otto都廢事理爸爸, 佢掛住望上去睇電視 :)

Otto玩得好開心架, 但係爸爸影吾到-3-

吾夠腳長既Otto要企係度玩 xdd

Otto今日真係玩得勁開心勁興奮 :) 去到地鐵站都未笑完..

第297天-9個月24日*休養中

第296天-9個月23日*Otto第1次睇醫生
第295天-9個月22日*坪洲回巢,,病發..
第294天-9個月21日*坪洲BBQ+通頂麻雀
第293天-9個月20日*平淡的聖誕節

呢個就係舅父仔啦!! 佢好錫媽咪架..所以都勁錫Otto!!

尋日終於都忍吾住帶左阿仔去睇醫生啦!! 因為本身佢睇開個醫生放聖誕假放到1月2號牙, 咁我地屋企附近另1個兒科聖手又1個星期得1日應診喎!! 咁我驚阿仔中間會病得好西利, 所以都係睇佢睇左先啦!! 幫阿仔磅左重10.2kg, 真係岩岩好22磅 :) 醫生話佢好大隻, 原來愈大隻愈多抵抗力架!! 仲話佢似1歲既BB添.. 返到屋企就食藥啦!! 對阿仔黎講食藥無難度 xd 雖然睇佢個樣似係吾想食架啦.. 但係佢都會開口囉!! 笑死我.. 奇怪地佢夜晚訓左既時間先咳得勁, 起左身又吾係好覺喎!! 我老豆話佢可能係寒咳喎!! 依家Otto病左萬千寵愛在1身牙.. 廢事佢扭得太勁佢通常1喊我地就抱佢, 好彩佢夜晚訓覺無點扭者, 都係自己乖乖係床仔訓, 如果吾係就慘了!! 因為爸爸第日又要返工, 我都病左牙!! 我仲病得嚴重過阿仔, 好彩我有藥食者 :) 撞岩呢期阿妹學校放聖誕假多個人湊阿仔..

今日既然無野做, 我就決定留係屋企到休養下啦!! 希望趕得切係31號前病好, 去港島區媽咪會個聚會啦!! 阿仔同我都要加油, 快d好返牙 :)

第292天-9個月19日*平安夜

呢幾日老公都係屋企 :) 很高興老公1整天都陪住我 xd 我地同阿哥仲有佢女朋友+姑姐係屋企度都左8圈牌之後就去左北角消防局同我老豆BBQ啦!! 我老豆做消防員架 xd 我以前細個年年Christmas都係消防局過, 因為佢地會攪Party有抽獎好好玩架!! 但係依家d Party無左抽獎囉!! 都吾happy既.. 我地燒左差吾多個凌鐘就走左啦!! 下1站尖沙咀, 同左老公/熙熙/阿妹/阿妹BF去左尖咀睇燈飾, 其實都係去迫下無咩野睇囉, 但係吾知點解今年出奇地少人, 吾知係咪我早左去呢!! 以前我邊有咁早出黎牙 xd 依家都係因為阿仔咋.. 見到好多人都帶bb車黎.. 早知我都帶啦!! 揹住佢鬼死咁重, 好彩老公都抱左佢好耐!! 睇完燈飾我地就搭左船仔返灣仔..之後再轉2X返筲箕灣!! 雖然我地呢個1家3口既平安夜吾係好特別..但係平凡是福麻!! 有親愛的老公/阿仔陪我過已經好足夠了..

這個就是媽媽最最最最敬愛的"爸爸"了 xd 威水的公公..

Otto被公公擺上車 xd 笑死.. 佢跟住個消防員哥哥吾要媽媽了!!

Otto的爸爸多噁心-3-他非常不滿Otto只啜我1個 xd

這是半島酒店!! 媽媽很喜歡這個立體得來又簡單的燈飾..

這班姐姐在唱聖誕歌,好好聽架!! 吸引好多人圍觀..

最後送上美麗的夜景兩幅 :) 祝各位聖誕快樂..

第291天-9個月18日*大個仔

今日搭12點15分船係坪洲出返黎, 因為我晏就要去媽咪會牙!! 但係最後我都無帶阿仔去架 xd 因為我賣甩左阿仔,而佢又肯跟老公 xd 我搭完船出黎個頭超痛返屋企插左1粒鐘電先出去, 又係去左POKKA食TEA, 今次襯阿仔吾係度我食拉麵 xd 因為平時抱住阿仔好難食麵架麻!! 今次Pauline無黎, 聽聞佢個女樂欣腸胃炎牙, 得我Amy,Cali+佢地兩位公子, 無雙, Anson仔!! 由於又係得地3條友仔再加下佢地兩個之後有約今日早左散, 我同Amy去左買玩具俾大家既公子, 之後佢仲車埋我返屋企添, 真係好啦!! 有車痴 xd 返到屋企我果位公子已經坐左係佢張私家凳到等我啦, 估吾到返到去我都未送份玩具俾佢, 佢已經成包屎等緊我了 xd 幫佢換完片再幫佢沖埋個靚涼, 陪佢玩左好耐水牙.. 後尾老公都入左去同佢玩水, 玩完佢仲幫公子抹埋身換埋衫添, 難得佢在家又肯幫手麻 :) 點知到最後都係要我出馬幫公子換衫, 因為老公隻手太粗入吾到阿仔件衫牙!! 哈哈.. 阿仔換完衫我又趕住下場-3- 因為我阿妹病左牙, 要陪佢去睇醫生.. 見到醫生我就順便問下佢阿仔打吾打H1N1好啦, 連佢都叫我吾好打, 不過佢就話叫我幫阿仔打普通果支流針囉! 仲有仲有問左支咩肺鏈+急性中耳炎混合針, 佢話呢支要等阿仔1歲打, 咁打左我就吾洗返去政府果度打加強劑!! 返到去同老公傾過, 我地應該會根醫生咁講咁樣打啦.. 話晒依家政府話下1波會死300個高危人仕, 而阿仔又係佢下年又開始返Playgroup都係要做少少預防.. 好好好!! 過埋聖誕book期打針先得 :)

阿仔今日識自己推住張圓凳黎行, 仲有每次佢想食奶就會不停講奶奶奶奶..吾知點解突然又覺得佢好似大個左好多咁, 唉! 我真係老喇.. 反正都老啦, 吾該d青春痘吾好搵我牙!! 仲有生完阿仔之後塊面好似多左d黑色素, 睇黎我要護1護膚了!! 我平時都吾扮靚架麻, 估吾到阿仔改變左我, 而且我要減肥牙.. 我真係10級重牙, 老公!! 吾該吾好再引我食宵夜了..

第290天-9個月17日*坪洲做冬

今朝11點我就起身啦, 對比平時真係好早, 原因係吾係阿仔整醒我架-3-係有個電話響, 起身先發現原來老公成晚無訓覺囉!! 佢傻架, 佢話知道今日要入坪洲, 入到去又無野做所以專登吾訓留返入去訓喎.. 阿仔1點先起身, 點半先飲奶, 我同老公就等佢飲完奶先食野, 我地去左食咖哩牙!! 難得平日同老公去食野, 超正!! 最後埋單佢仲收少左我地1個餐錢添.. 我地開心到係咁跑笑死 xd 返到去我地幫阿仔換完衫就去搭船啦, 開頭仲驚趕吾切, 點知去到仲有好多時間!! 入到坪洲我地真係無野做囉, 成日係度同老公訓覺..1去到就訓到食飯, 食完哄左阿仔訓我地兩個又訓-3- 訓到12點起身我地兩公婆落左街踩單車同食宵夜, 之後返屋企我吾知點解突然好想飲啤酒囉, 隊左1罐大罐裝藍帶先訓 xd 咁大個女真係第1次無啦啦想飲啤酒.. 真係好白痴牙!! 飲完之後大覺訓好正..

今朝見阿仔無咩事我先行去食飯咋, 其實啖氣仲未消, 我真係好想鬧爆佢!! 唉.. 不過算啦, 見阿仔下年1月10號開始返playgroup, 我地都無咩時間見架啦!! 今次算數, 但係下不為例囉!! 再有下次我1定吾會再就咁算架..

嬲!!我真係好嬲..

尋晚諗住奶奶出左黎咪同佢地1齊食餐飯囉!!本身老公都吾想架, 佢話聽日都入去坪洲做冬吾想同佢地食咁啦, 係我話咁奶奶咁遠出到黎又話想見下阿仔梗係1齊食啦!! 我真係無諗過我咁為佢地諗但係佢地吾為下我諗囉, 上次BBQ果陣我地燒蝦食奶奶已經有D想俾阿仔食架啦, 講真平時佢俾D咩阿仔食我都無咩出聲架啦!! 但係蝦/蟹呢D咁易敏感既我真係吾想俾阿仔食住囉-3-你莫講話呢D起碼要等佢2,3歲或者再打後先好俾佢食啦,,依家阿仔得個9個月人仔1歲都未夠..上次我已經喝止左佢吾好俾阿仔, 估吾到今餐飯佢好似要挑戰我底線咁囉!! 咩事者依家? 我地食龍蝦飯者, 阿仔開頭根本就無扭無成, 次次都係你專登俾佢望到你食野攪到佢扭, 咁我都話咁你俾少少飯佢食啦, 之前都已經講左N咁多次1歲前吾食得蛋白, 你又要俾, 唉!!你想點牙? 最後仲要當住我同老公面前俾龍蝦阿仔食, 我果刻真係好想鬧爆你, 好彩老公幫我出聲者!! 之後你仲要同老公打晒眼神咁好似驚死人知咁, 我真係好興牙!! 跟住老公仲繼續講啦, 你仲要駁話食少少無事又話返老公自己咩都吾食吾通想阿仔都係咁, 我好想講我老公咩都吾食吾代表我個仔都會係咁, 而且我無話過吾俾阿仔食, 只係依家佢咁細吾俾佢食住囉!! 夜晚返到屋企阿仔真係起粒粒牙, 雖然吾係好多但係都係起囉..面又有身又有, 我真係好想打去剷你架果刻.. 最後我都無,但係我自己真係好DOWN好內疚好想喊!! 如果可以我真係以後都吾想再俾你掂我個仔牙..吾該吾好用你果套黎對我個仔!! 唉..原先我真係好想當你地係我既1家人, 但係對住你呢D咁既行為我良心真係做吾出囉..

第289天-9個月16日*第1次試西洋菜

原先早幾日真係好想同熙熙去睇醫生架, 但係想同佢睇果日佢就好返好多..而且其實佢又吾係特別話有D咩事,, 都係有少少鼻水咁者!! 莫講話BB仔啦, 1個大人係天氣凍既情況下都會有DD鼻水啦..所以我最後都係無帶佢睇囉!! 點知佢自己又真係不藥而癒喎, 有人話咁樣係好架..等佢身體自己有多D抗體吾洗成日要靠藥物先得!! 前兩日真係好凍牙, 凍到我根本都吾敢幫阿仔沖涼, 驚佢會凍襯, 而且我地又無咩點出街, 佢又無柯臭臭喎!! 咁我真係懶得就懶無沖兩日涼.. 今日見晏就好似暖返少少加上尋日阿仔又去過PARTY又柯左臭臭, 所以就幫阿仔沖返個靚涼啦!! 佢依家開始無以前咁驚啦, 肯自己鬆開晒兩隻手玩, 最後仲玩到吾願上水, 我1抱佢就扭身扭勢要落返水 xd 小朋友真係好可愛牙!! 幫佢沖完涼換完衫俾左幾粒星星餅獎勵下佢今日換衫無扭計幾咁叻.. 跟住我就去煲粥仔啦!! 見佢岩岩好返dd..煲左d西洋菜粥等佢食得開胃d..煲煲下佢扭訓..放左佢去床仔自己訓真乖!! 煲粥真係好香好香..吾知今晚阿仔肯吾肯食呢? 肯既媽咪之後多d用西洋菜煲粥你食..

前排上網睇到篇報道話原來食波菜係會影響鈣既吸收, 我成日都用波菜煲粥阿仔食架!! 會吾會係咁影響到佢出得1隻牙呢? 我以後都會盡量少用波菜架啦.. 等你吸多d鈣出返多幾隻牙仔就可以食到多d野啦 :)

第288天-9個月15日*昇悅居X'mas Party

今日我地去左長沙灣昇悅居參加甸媽攪既X'mas Party牙!! 咁多個Party我最期待就係呢個架啦, 因為上次去過佢地攪既哈囉喂派對玩得好開心, 今次都無令我失望, 我地1家3口真係玩得好開心好投入牙, 我諗我同老公永遠都吾會忘記熙 :) 話說我地去到既時候, 就大家圍埋1埋傾下計俾d BB交流下咁啦.. 之後食完野就係爸爸媽媽玩遊戲既時間啦!! 我係紅組既隊長牙 xd 我玩左開口中.. 仲幫我個組拎到禮物添牙.. 老公玩左吹紙條..佢太渣輸左囉!! 輸在佢頭髮太長喎佢話-3- 跟住係集體遊戲收賣佬..嘩!!玩到我地成班人癲晒.. 最後我地紅組係有5份禮物同金組打成平手 xd 藍組就落敗了.. 玩完遊戲就到BB既HAPPY TIME啦..因為係抽BB獎既時候..我地抽到1間屋仔..睇個樣好似好好玩咁架..有琴彈又有得入D形狀咁既野..之後交換禮物我換左對好精緻既手套返黎..後尾Joesphine話原來係佢既 :) 5點45分成個Party結束了, 我地拎住1袋2袋走牙 xd 最重要要拎埋隻肥豬仔..哈!! 之後拎住咁多禮物又要去下場, 老公朋友彬哥仔生日, 無咩特別 慶祝.. 普通食左餐飯就返屋企嚕.. 等車搭2X果時有個飲左酒既地盤佬打我地尖.. 我睇住架2X走架麻..我排頭位既..後尾仲有好多小朋友同大人排緊隊, 之後突然發現我前面多左個地盤佬..我就同佢理論啦!! 佢話吾知要排隊囉-3-仲好似想郁手打我咁既款, 果時我仲揹住阿仔架!! 最後佢都吾肯走.. 但係2X到果陣佢俾我行先囉!! 返到屋企真係散晒, 阿仔又吾知做咩忽然痴身, 成晚勁要我, 第個抱都吾得!! 阿仔, 媽媽知你愛我啦..

阿仔怒啤卓少 xddd

呢個係卓卓!! 我同佢媽咪NOEL好熟架 xd

呢個係晴晴,0903既BB,佢媽咪JOEY好好人架!

呢個卓少超難攪, 係10級痴媽B黎架!! 佢媽咪甸就係我地今次既攪手..

呢個係SUEY, 下年我地會1齊上PLAYGROUP架!!

P.S.其實仲有好多相, 但係我未得閒整理-3-遲D FB睇啦!!

第287天-9個月14日*做冬

你睇我個樣幾得戚!! 因為呢張相係果日同媽咪爸爸去Studio影完相之後影架, 我坐左係隻馬馬都玩, 仲玩得好開心添牙, 爸爸驚死我跌咁要扶實我牙!!.. "爸爸,爸爸, 幾時到你俾我騎牛牛牙?"

今日係媽咪屋企做冬既日子 :) 細姑婆同大姑婆1早黎左同媽咪/舅父打麻雀, 我就開心啦!! 因為有人抱我牙 xd 媽咪贏左好多錢, 好野!! 買玩具有著落啦.. 但係佢地差吾多打完麻雀既時候, 突然間大廈警鐘響起, 我好驚牙!! 驚到喊添.. 之後公公以佢做消防員既觸角叫我地吾洗走.. 因為火係向上燒既.. 我地住9樓但係就31樓冒煙, 媽咪佢地好似吾知死咁仲繼續打, 終於打到7點半先肯理我牙! 好彩中間我識扭計, 扭媽咪哄我訓左陣晏覺者 xd 佢地打完牌就幫我換片換衫啦.. 媽咪係咁鬧爸爸咁慢吞吞, 因為佢未打完已經叫等爸爸幫我換了!! 去到食飯啦.. 見到好多人牙, 但係我1d都吾驚, 仲對住邊個都笑添.. 佢地個個都係咁摸人地隻手.. 抽我水牙!! 伯婆/伯公都抱到我吾肯放手, 但係我最鍾意都係同叔婆玩.. 玩到倦又返左去媽咪都訓覺.. 聽媽咪講大姑婆仲俾左錢我買聖誕禮物添牙 xd 今日真開心.. 等我要諗定扭媽咪買禮物先得!!

第286天-9個月13日*港島區 X"mas Party

大家睇下有幾多小小聖誕老人, 你地搵吾搵到熙熙呢? 我地今日去左港島區聖誕Party牙!! 熙熙贏左扮野大賽男子組既第1名牙!! 多謝你地投熙熙1票牙 :) 我諗熙熙贏就係贏左無同大家撞衫囉 xd 講到咁大既貼士你地搵到我個肥豬未牙?

今日掛住同熙熙玩我都無咩影過相同汁過相.. 聽晚又要做節!! 做節完先得閒攪架啦!! 大家吾洗心急.. 講返今日先!! 我粒仔好晏先起身, 我食埋野攪到我遲到添, 真係吾好意思啦!! Noel & Wing.. 最後等巴士入藍灣半島, 去到仲未見人-3- 我就call大會既朋友啦 xd 終於都到齊啦.. 有得玩有得食.. 我就放低熙熙1邊去會我既媽媽朋友們啦.. 大家warm up左陣, 食飽飽就投票嚕.. 其實我開頭真係無諗過熙熙會贏.. 到真係贏左拎住個份大禮都呆左陣.. 點返屋企好呢-3- 最後我梗係搭的啦.. 不過係同埋Cali.. 交換禮物咁好換到Amy份禮, 佢話佢果份肯定係最好架喎!! 咁我同熙熙今日真係鴻運當頭啦.. 不過換黎既係.. 熙熙真係流鼻水流得好西利!! 返到屋企佢飲完奶想訓.. 點知佢鼻塞到死.. 要我抱住先肯訓, 我聽到佢d鼻塞聲好心痛.. 所以最後都決定聽日帶佢去睇醫生啦!!

病魔牙病魔..吾該你快d遠離我個可愛肥豬仔啦!!

第285天-9個月12日*波菜紅3魚粥

呢張相係熙熙第1次坐超級市場d車果時影架!! 見近期無相post放出黎俾大家睇下先 xd 我從來都無post過呢張相, 因為張相係老公影架!! 我好辛苦先係佢手機到偷返黎架.. 佢勁衰!! 明知我超鍾意張相係死都吾send俾我-3- 好彩我偷到返黎做我手機wallpaper者 xd

呢兩碗就係我今日精心炮製既波菜紅3魚粥啦!! COMBI碗既係熙熙既, 另外1碗就係我架啦, 因為煲完出黎真係好吸引我食牙 xd 熙熙呢期都無咩胃口牙, 果日既蛋黃雞柳粥佢又好似吾多likey咁, 之後個身仲出左d紅粒, 吾知係敏感定係第1次食既反應!! 要下個星期再俾佢食先再睇下點啦.. 尋日菜心柳梅粥佢算食左1碗囉!! 但係分左兩次食-3- 今日不出我所料, 煲呢個熙熙最likey既粥佢食得好快仲要搶食添, 開頭我食先未俾佢食.. 佢係咁扭 xd 最後我未食完已經要開始餵佢喇!! 吾知係咪凍左定係熙熙真係病病地.. 佢有少少鼻水牙!! 過多兩日都係咁我真係要帶佢去睇醫生啦.. 聽日我地仲要去港島區Christmas Party架!! 星期日又要山長水遠去長沙灣昇悅居參加媽咪會Party..吾該病魔吾好黎搵我家既熙熙牙!! 仲有天氣小姐可吾可以吾好咁凍牙?

P.S. 好期待我地今晚去契媽屋企到玩牙!!

YEAH!! 攪掂晒..

經過左我呢晚既用功,終於都暫時攪掂我個BLOG啦!!
點牙?點牙? 大家覺得點牙? 見吾見得人牙?
哈哈 xdd 老公笑我話同我中學果陣既xanga無分別囉..
係牙!! 我d功夫係得咁多架咋..
我寫左html碼好耐啦,都整吾到個background牙-3-
明明記得以前好易整到架..吾通呢道個系統真係吾俾人整既?
算啦算啦!! 用住slide整臭豬d相先啦..
我得閒會再努力研究下架啦..

p.s.依家開始我兩邊blog都會寫架!!不過內容1樣既xd

搬遷啟示!!

yahoo blog改左我精心傑作既大細牙,陰公!!
咁我又跟Hon媽/晴晴媽/泰媽/梓晴媽搬過黎呢度先 xd
不過我依家尚在研究中,過多2-3日呢度會正式開張架啦..

我依家尚左研究點樣整靚靚呢個新居牙:)
吾知我以前用黎整xanga既野呢度用吾用得著呢?
莫非真係要用我中學時代it堂學緊html?