第359天-11個月18日*倒數10天

忙碌既農曆新年終於都過去啦, 發現好似無同阿仔影過相-3- 呢1套老西都係食團年飯既時間著架..至於阿仔著唐裝真係好似1幅都無, 搵日要幫阿仔著返影D相先得 XDD 今日我超早起身牙, 都吾知幾耐無試過咁早了.. 落左街食早餐仲去左買[食送]煲飯仔俾阿仔食.. 係條街到見到人人到好忙碌突然間有D感觸牙!! 原來我吾經吾覺已經做左年幾"少奶奶"啦.. 睇下個月曆先發現仲有10日阿仔就1歲了.. 原來呢個豬脾陪左我成年幾咁耐架啦.. 託賴佢真係好乖好錫我.. 平時我真係吾多洗理佢架!! 由有左阿仔3個月倒我就開始無返工直到依家了.. 呢段日子真係好幸福牙!! 起碼吾知朝朝早同人逼車逼地鐵.. 吾知呢D日子仲可以過幾耐呢?

呢排都忙住諗阿仔1歲生日慶祝既野牙, 依家落實左3月3號係屋企攪個[蚊]型生日會.. 屋企吾大邀請吾到咁多人, 所以都係諗住請返D住港島區既就算.. 廢事要大家咁遠水路黎到啦!! 所以請見諒.. 不過如果有D住得遠但係都想黎既我地都好歡迎架.. 諗完阿仔生日會, 又要諗點同D親戚食飯.. 3月5號正日我地就決定1家3口去BB餐廳.. 3月4號係我既BEST FRIEND生日.. 我又吾到吾得喎.. 者係得返3月6號同3月7號者.. 唉!! 原來諗阿仔生日慶祝仲煩過諗自己 XDDD

呢排阿仔痴我痴到不得了, 1見到我就係咁叫, 我吾理佢就喊了-3- 佢呢排同屋企果兩隻狗係咁爬.. 老公見日笑話屋企多左1隻狗.. 我地餵兩隻狗食野佢又要走埋黎食.. 真係俾佢笑死牙!! XDDD 阿仔仲有10日你就1歲啦, 媽咪期待緊拖住你隻手仔行街.. 到時再帶你去冒險樂園玩過..

第347天-11個月6日*行花市 :)

今日我地6點度去左行花市牙!!! 其實都真係年年都賣果d野, 無黎新意架!! 不過今次同埋Otto行個感覺吾同d.. 見到有d識行既小朋友係度扭媽咪買野, 我係度諗吾知幾時到阿仔扭我買呢? 如果到阿仔識行識扭計買野佢又睇中既話, 我實會買俾佢者!! 話晒新年1年1次麻 :) 呢張相影得好鬼正, 阿仔同老公都係度伸"利"架..可惜媽咪就樣衰少少 xd 因為我平時帶住阿仔出街係好少會扮靚架.. 今次仲要做埋4眼妹添!! 自從上個禮拜配完眼鏡之後發現我既近視真係深左牙..依家帶住眼鏡同吾帶睇野係差好遠架.. 睇黎我好快要配CON了!!! 講返行花市先, 我地最後既收獲係1本毛毛青蛙仔相簿, 媽咪真係好鬼鍾意架.. 打算買黎入Otto仔d相 :) 盛惠38個大洋牙!!! 行完花市我地去左食味千拉麵.. 之後爸爸同Otto返家先, 我同阿姨再戰銅鑼灣 xdd

個衰豬仔依家真係坐得好穩啦, 記得之前佢坐吾穩我成日都好驚佢條腰骨係咪有事, 因為眼見好多小朋友都已經坐穩晒, 原來係虛驚一場, 阿仔可能真係太大舊所以咩都俾人遲1步啦.. 佢爬得靈活都係11個月之後既事黎.. 咁吾知佢幾時先識行呢? 自從阿仔爬得好之後成日係張BB車到自己"冼"落地跟住周圍爬, 我屋企又養狗喎.. 成地都係狗毛-3- 所以差吾多每次爬完我都要同佢沖涼換衫..

我地今日去花宵又俾人話係女女啦-3-話說舅父仔就同Otto玩騎膊馬啦, 突然間有個Sales衝埋去嗌佢做爸爸, 之後叫佢買d野俾女女玩 xdd 笑死我地!! 最後我地話佢連邊個係爸爸都未知.. 仲要認錯我個仔係女,,所以吾肯幫襯.. 佢就轉移去嗌我個妹靚女.. 不過無論佢講咩我地都係咩都無買架 xd

其實Otto仔都吾係真係太似女仔者.. 吾知係咪因為我日日見住佢呢 xd 雖然我個妹成日都話Otto有d角度好似我.. 但係我又覺得佢好似爸爸喎!! 爸爸成日都笑我話Otto仔似我咁肥囉-3-真衰.. 今日我去左睇醫生.. 扁桃腺發炎 xd 陰公.. 但係呢次我自己完全feel吾到有事.. 個醫生講到我好似好嚴重咁.. 佢仲要覺得個耳探針壞-3-幫我check左幾次.. 我要襯新年前好返牙!!! 呢次係Otto仔傳染俾我架..陰公!!! 上個星期初佢病左.. 發燒+有d咳.. 連醫生都話覺得佢係出牙發燒.. 今日我終於發現佢原來1次過出4隻上面+1隻下面..total 5隻牙!!難怪呢期咁愛搵媽媽.. 連我放底佢係度俾舅父仔落街食過lunch都喊.. 雖然係就係麻煩d但係媽媽愛 xddd

呢個食手怪幾個月前戒左呢個習慣, 依家肯定因為出牙仔所以又不停食手啦!! Otto仔自從爬得好之後我就多左放佢落地.. 連同佢玩既時間都多左.. 我相信到佢識行我會再放多d時間落佢度架.. 吾知到時佢會吾會失控呢? 今日食飯果陣我先講佢其實都算乖仔.. 起碼我抱坐佢坐拉麵果時佢都吾會拎對手亂咁攪野.. 我知道有好多精靈bb都會架.. 我比好多媽媽煩少樣野 xdd 吾記得1提, 我上個星期幫Otto就剪左頭髮.. 吾知大家覺吾覺呢? 前面睇無咩架.. 但係後尾好樣衰 xd 因為媽咪吾識剪.. 剪到齊晒.. 我d朋友係咁話阿仔好潮剪Bob頭.. 激死我!! 過埋新年等暖返d就幫阿仔剪多d.. 可能叫公公幫佢再剷1次頭.. 因為我地要去同陽光玩遊戲牙..

好耐都無影過豬脾既訓覺照.. 呢張攬住玩具好可愛.. 佢仲要自己除左褲露出條美腿 xd 依家影豬脾訓覺照易左啦.. 事關我個妹買左買新果部廣告賣得好行既SONY相機.. 影d相真係好靚.. 阿仔訓覺個位吾夠光都影得吾錯.. 幾好幾好!! 等佢玩到厭我就接手先..

最後!!! 送上我今年送俾老公既情人節禮物 xddd 已經送左啦其實.. 因為我已經大掃除左.. 所以送左先, 廢事搵位放.. 地方淺窄牙!!!!

第337天-10個月27日*第2次發燒

Otto仔真無用, 又發燒了!! 吾知關吾關媽媽事呢.. 話說前幾日我食緊甜筒果陣佢又想食, 我就貪得意咁俾左兩啖佢食啦.. 其實之前佢細d果陣佢老豆已經俾佢食過雪糕架啦!! 咁我見佢又受得住咪俾佢食下囉.. 點知第日就咳了.. 本來都係少咳無事架.. 但係過左兩日夜晚者係尋晚佢突然發燒-3- 真係嚇死我啦!! 今朝10點幾帶左佢去睇醫生.. 隻豬仔食完第1次藥即刻訓返.. 食完第2次藥開始好返好多了.. 依家有返D精神.. 仲識得笑下!! 之前呢真係爹到媽咪好LUM架 xddd 希望佢快d無事啦.. 我地要健健康康咁過新年架..YEAH!!

就係因為Otto早兩日已經開始有d病, 所以我地無返playgroup啦.. 雖然覺得有d晒錢.. 但係廢事傳染到其他BB仔啦.. 遲多2日係Pauline個女既1歲生日, 佢地係我識得最耐既1班媽媽黎架.. 所以Otto仔1定好返去欣欣個生日會 =] 而且我地已經好多個禮拜無去聚會啦.. 真係有d掛住佢地牙 xdd

今次Otto雖然病左, 但係有1個好消息同時間誕生左.. 就係佢竟然自動自覺攪返好個時間表.. 咁就好啦.. 你話邊有BB仔係凌晨3點先訓覺架-3- 依家佢11點凌就訓.. 都吾係早架啦!! 但係好過3點囉 xd

隨呢篇日記連上3張我地前排同舅父仔去行太古城影既相 :) 睇下佢地兩個似吾似樣.. 因為外甥多似舅架..

第324天-10個月20日*粥粥再見了..

Otto大個仔啦, 佢依家吾要食粥粥啦!! 要食飯-3- 前排見佢吾肯食粥仔, 我鬼死咁緊張.. 初初以為係佢出緊第2隻牙仔所以無胃口, 點知後尾有日我姑姐黎俾炒飯佢食, 佢食得鬼死咁雀躍!! 今日我的起心肝整左d爛飯仔俾佢食, 真係要好"傑"好"傑", 但係仲要見到成粒米形架喎!! 佢食左成碗咁滯牙.. 真係好西利 :) 見到咁樣我好開心.. 覺得佢真係大個仔左.. 之前d肉1定要用攪拌機攪爛晒架.. 但係今日都吾洗爛晒.. 我整左西蘭花瘦肉爛飯.. 佢食得勁開心!! 係咁叫我俾佢食添.. 聽日我要再努力試下Otto仔係咪要食爛飯仔先得!!

尋日我地返左第2堂Playgroup牙, 其實應該係第3堂架啦!! 因為我地第2堂吾記得左去牙-3- 學左陣爬..之後又學探索.. 我發覺呢d playgroup吾係好岩阿仔玩, 我決定玩完呢個下次參加baby gym果d啦!! 聽人講好似多d野玩又玩得興奮d.. 岩晒阿仔咁爛玩牙 xdd

好快新年啦.. 仲未買到唐裝衫俾Otto仔牙!!! 又吾想買咁貴.. 因為好似想得個1,2日好晒咁-3-下年又1定吾會岩著架啦.. 好煩牙好煩牙.. 如果呢個星期都簡吾岩我就去吉之島買啦!!

第319天*10個月15日-終於回復從前了..

1切終於都回復正常啦!! 之前有1排真係心情好低落, 吾知係咪真係因為無每月1次影響到心情.. 定還是真係已經累積左好多心事係內心.. 記得自己以前真係好大情大性架.. 有咩開心吾開心都1定會表露晒出黎.. 要喊就喊.. 自從同老公結左婚再加上生左仔仔之後, 每次喊都係偷偷地喊.. 因為吾想老公擔心, 吾想老公難做, 吾想加重老公既壓力.. 最重要吾想影響到仔仔既情緒, 但係呢1次真係再忍吾住啦!! 因為重重既原因覺得條路好難行, 明明係2個人行既路變到得返自己1個行.. 仲要受好多好多不必要既氣, 有時真係好嬲.. 點解自己連仔仔少少既野自己都決定吾到.. 就算明明真係已經好堅決咁決定左.. 最後都要就某人而改變!! 好高興老公會支持我.. 同時間亦到好嬲自己帶俾老公咁多麻煩.. 到依家呢1刻, 我仍然吾願意去接觸老公既媽媽同爸爸!! 因為大家之間既思想諗法好似差好遠咁.. 而且每1次見到佢地既時候我仲係會覺得仔仔會俾人搶走咁.. 有時會諗係咪自己真係太緊張仔仔, 但係問心其實我都吾算啦!! 只係因為佢地曾經真係令仔仔出事過.. 而且仲要出事前我已經警告過, 當出事後我第1個反應係好嬲我自己, 點解我做吾到媽媽應該做既野, 因為我連自己個小朋友都保護吾到.. 不過我終於無事啦!! 因為老公開始肯改左佢D壞習慣.. 希望呢1切都可以維持喇 =]

回復正常之間第1件事梗係要去參加返D BB聚會啦, 我已經斷左2個星期無參加啦!! 當然吾止係我自己心情吾好啦, 仲因為仔仔之前1路都病下好下咁.. 依家佢好返啦!! 雖然仲有好多痰.. 但係最起碼無鼻水了.. 之前有鼻水真係吾敢帶佢出去見其他BB朋友仔, 因為廢事轉染到人麻!! BB病左就係做媽媽最擔心架啦 =] 呢次去左清水灣8號晴晴屋企.. 有好多個0903既BB去牙.. 成10個咁多..仲有1個哥哥仔添 =] 嘻.. 佢好錫住D BB, 我相信佢1定係1個好哥哥黎架!! 玩得好開心, 不過我發現仔仔好似吾係咁鍾意同其他BB玩, 等佢大D我要TRAIN下佢先得.. 今次玩完仲落左大家樂同兩個媽媽傾左陣心事.. 佢地好好人, 係咁開解我, 多謝你地牙!! 我發現你地真係無歧視過我係1個年輕媽媽, 相反仲對我勁好, 好到好似當係我妹妹咁!! 我真係好感動牙.. 同你地傾完我鬆左好多牙..

第309天-10個月5日*第1堂Playgroup

第309天-10個月5日*第1堂Playgroup

阿仔今日第1日返Playgroup, 尋晚仲凌晨2點先訓-3-衰豬黎架!! 不過估吾到今朝佢自己11點可以起到身囉, 吾係我叫佢架!! 飲完奶換左3我地就出去啦.. 第1堂教SAY HELLO同汁玩具.. 阿仔玩玩下就已經扭眼訓了.. 好彩最後都捱到落堂者!! 我同老公都好ENJOY個Playgroup牙.. 希望下堂熙熙既狀態會好d啦.. 阿仔終於都收晒d鼻水啦.. 今日係我見吾到鼻水小姐既1日 xddd 很高興.. 但係咳先生同痰姨姨都吾肯走牙.. 我要諗辦法趕走佢地吾好煩住阿仔至得啦..

阿仔依家成日玩掛床果個音樂轉轉轉牙, 仲要係咁扯佢落黎.. 阿仔吾可以咁暴力架!!! 呢期成日教阿仔拍手同拜拜, 但係佢都未學識-3- 我地要再繼續努力牙..

第305天-10個月1天

"突然又已1年" XDD 話咁快就到2010年啦, 踏入2010年我竟然差吾多成個星期無update個BLOG啦!! 皆因我沉迷左玩FB個Cafe World牙.. 玩完之後仲令我玩返N年前玩既夢幻西餐廳2添-3-講完我講返阿仔先, 吾知做咩事佢學識左自己除褲牙 XDD 晚晚訓著覺都自己除左褲仲要"呼"晒被, 攪到佢個衰豬又凍襯啦!! 係咁流鼻水, 仲要2次藥食, 如果咁都吾好既就要再睇1次醫生啦!! 有1晚無聊得滯幫阿仔紮左條辮變左阿囡 XDD 哈哈.. 見到阿囡我開心死.. 因為真係好想生個女女架!! 不過依家都仲未係時候為我地再添1個家庭成員.. 因為阿仔已經變得好扭計啦.. 成日要人抱.. 扭眼訓果時仲1定要我抱添.. 你話點算? 阿仔未好得返晒, 攪到我都吾敢出街.. 每日淨係對住部電腦, 其實生活都幾苦悶.. 不過見到阿仔真係大個左好多個感覺好奇妙 :) 果日老公講過埋年阿仔差吾多1歲啦.. 光陰似箭, 真係估吾到咁快.. 由知道有左阿仔, 跟住吾知點算好旁惶, 到決定要生BB, 結婚, 蜜月旅行, 老公讀書, 個肚愈黎愈大, 生仔, 老公失業, 到依家我地1家3口終於都有D曙光, 所發生既野都仲好似係尋日既事咁, 08下半年開始到依家我真係感受良多.. 個人都好似大個左好多諗野成熟左好多咁.. 希望未來既日子都會過得順順利利, 快快樂樂!!

本身真係想打過09年既回顧, 不過當想打既時候發現其實都無咩特別野.. 黎來黎去都係阿仔點點點, 阿仔咁咁咁.. 其他既都應該係D自己仲未習慣未適應甚至乎吾想去改變既吾開心野!! 相信呢1年最令我值得記住既只係生左阿仔, 同埋因為生仔而識到既1大班朋友!! 好開心有D咩吾開心呢1班朋友會支持我鼓勵我.. 未來我都會好珍惜你地每1個架!! 至於D吾開心既野吾想自己特別去記住, 期望我心入面都吾會記住啦 xdd 不過就難d囉!! 哈哈..